രാഹുൽ മാങ്കുട്ടത്തെ നാറ്റിക്കാൻ ആരോ ഇറക്കുമതി ചെയ്ത റിനി ആൻ ജോർജ് വി.ഡി.സതീശൻ്റെ സത്യപ്രതിജ്ഞാ വേദിയിലെത്തിയതെങ്ങനെ? കോൺഗ്രസിൽ ആർക്കാണ് റിനിയോട് ഇത്ര പിരിയാൻ പറ്റാത്ത ബന്ധം. മുഖ്യമന്ത്രി വടശ്ശേരി ദാമോദരമേനോൻ സതീശൻ്റെ റിനി ബന്ധം എന്താണ്? എൻ്റെ ശ്രീപത്മനാഭൻ എന്നൊക്കെ സതീശനെ അഭിസംബോധന ചെയ്ത്, മുഖ്യമന്ത്രി പദമേറ്റെടുക്കും മുൻപ് സതീശന് അതിവൈകാരിക ആശംസകളൊക്കെ സാമൂഹിക മാധ്യമങ്ങളിൽ റിനി പോസ്റ്റ് ചെയ്തത് തന്നെ ആരോപണങ്ങൾക്ക് കാരണമായിന്നിരുന്നു. എന്നാൽ സത്യപ്രതിജ്ഞാ ദിനത്തിൽ കോൺഗ്രസിന് വേണ്ടി തല്ലു കൊണ്ടവർ പൊരിവെയിലത്ത് നിൽക്കുമ്പോൾ റിനിയെന്ന സംശയരൂപം വേദിയിലെത്തി സെൽഫിയെടുത്തും വിശിഷ്ടാഥിതികൾക്കൊപ്പം ഫോട്ടോയെടുത്തും വിലസുകയായിരുന്നു എന്നത് ജനങ്ങളെ കുറച്ചൊന്നുമല്ല കോപാകുലരാക്കുന്നത്.
അവർ പറയുന്നു, കഴിഞ്ഞ പത്ത് വർഷക്കാലം ഈ പ്രസ്ഥാനത്തിനുവേണ്ടി ജീവനും ജീവിതവും നൽകിയ ആയിരക്കണക്കിന് അമ്മമാരും സഹോദരിമാരും പൊരി വെയിലത്ത് ഒരുപാട് ദൂരെ നിന്ന് സത്യപ്രതിജ്ഞ ചടങ്ങ് വീക്ഷിക്കുമ്പോൾ നിന ആൻ ജോർജ് എന്ന് പറയുന്ന യൂട്യൂബ് റീൽ മോഡൽ മാത്രമായ സ്ത്രീയെ മുഖ്യമന്ത്രിയുടെ സത്യപ്രതിജ്ഞ വേദിയിലേക്ക് കയറ്റിവിട്ടത് ആര്? രേവന്ത് റെഡ്ഢിയെ പോലെ ഇസെഡ് കാറ്റഗറി സുരക്ഷയുള്ള വ്യക്തിയുടെ അടുത്തേക്ക് ഇവരെ എത്തിച്ചത് ആര്? എന്ത് പ്രിവിലേജ് ആണ് ഇവർക്ക് ഉള്ളത്..?
രാഹുൽ മാങ്കുട്ടമെന്ന യുവ നേതാവിനെ നാറ്റിച്ചതിൻ്റെ പ്രതിഫലമാണോ റിനിയുടെ വിലസൽ? ആണെന്ന് വേണം കരുതാൻ. രാഹുൽ മാങ്കുട്ടത്തെ ടാർജറ്റ് ചെയ്തത് യഥാർത്ഥത്തിൽ വടശ്ശേരി സതീശനാണോ? ആണെങ്കിൽ എന്തിന്? നിയമപരമായി നേരാംവണ്ണം ഒരു ലോജിക്കും ഇല്ലന്ന് അവകാശപ്പെടുന്ന കേസുകളാണ് മാങ്കുട്ടത്തിനെതിരെ എടുത്തിട്ടുള്ളതെന്ന് നിയമ വിദഗ്ധർ തന്നെ ചൂണ്ടിക്കാണിക്കുന്നു. ഒരു കേസ് റജിസ്റ്റർ ചെയ്യാനും അറസ്റ്റ് ചെയ്യാനും ആലക്കാടൻ വിജയൻ ഭരിക്കുന്ന സമയത്ത് വൻ കുതന്ത്രങ്ങളും നാടകീയ നീക്കങ്ങളുമാണ് നടത്തിയത്. സിപിഎം വേദികളിൽ പ്രത്യക്ഷപ്പെട്ട് കോൺഗ്രസിനെതിരെയും മാധ്യമങ്ങൾക്ക് മുന്നിൽ ഒരു തെളിവും കാണിക്കാതെ രാഹുൽ മാങ്കുട്ടത്തേയും നാറ്റിച്ച റിനിക്ക് ആരാണ് വടശേരി ദിനേശൻ്റെ പൂമുഖവാതിൽ തുറന്നുകൊടുത്തത്? അറിയാൻ യൂത്ത് കോൺഗ്രസിന് മാത്രമല്ല ജനത്തിനുമുണ്ട്. കാരണം ഇതിനെല്ലാം ആലക്കാടൻ വിജയൻ ഉപയോഗിച്ചത് പൊതുജനത്തിൻ്റെ ഖജനാവിൽ നിന്ന് എടുത്താണ്. രാഹുലിനെതിരെയുള്ള നീക്കം കോൺഗ്രസിനുള്ളിൽ തന്നെ ഉണ്ടായിരുന്നു എന്ന് വേണം കരുതാൻ. മഹാനായ ഉമ്മൻ ചാണ്ടിയെ നാറ്റിക്കാൻ ആളെയിറക്കിയ ടീമുകളാണ് അന്ന് മുതൽ പെണ്ണിനെ വച്ച് കോൺഗ്രസിനെ നാറ്റിക്കാൻ ശ്രമിച്ചുകൊണ്ടിരുന്നത്. ആ പെൺഇടപാട് വിജയൻ ടീം തുടരുമെന്ന് ഉറപ്പുണ്ടായിരിക്കെ സതീശൻ എങ്ങനെ, എന്തിന്, റിനിയെ സംരക്ഷിക്കുന്നു എന്ന് വ്യക്തമാക്കണം. മാങ്കുട്ടം വിഷയത്തിൽ സതീശൻ്റെ അമിത ധാർമിക രോഷവും അമിത ആവേശവും എന്തുകൊണ്ടെന്ന് വ്യക്തമാകേണ്ടതുണ്ട്.
Who is Rini Ann George? Youth Congress with arrows of doubt against Satheesan
